میدانی علاقے شدید گرمی کی لپیٹ میں ،نوابشاہ میں پارہ 44 ڈگری سینٹی گریڈ ریکارڈ

ویب ڈیسک : اتوار07اپریل 2019

لاہور : ملک کے میدانی علاقے شدید گرمی کی لپیٹ میں ہیں اور سب سے زیادہ درجہ حرارت نوابشاہ میں 44 ڈگری سینٹی گریڈ ریکارڈ کیا گیا۔
ملک بھر میں سورج آگ برسا رہا ہے اور تیز دھوپ کی وجہ سے درجہ حرارت میں اضافہ ہوگیا جہاں سندھ کے متعدد شہروں اور دیہی علاقے شدید گرمی کی لپیٹ میں ہیں۔جنوبی پنجاب میں بھی سورج کی تپش بڑھ گئی ہے-
آج سب سے زیادہ درجہ حرارت نوابشاہ میں 44 ڈگری سینٹی گریڈ ریکارڈ کیا گیا جبکہ دادو میں درجہ حرارت 43 ڈگری سینٹی رہا۔سکھر میں بھی شدید گرمی پڑ رہی ہے جہاں درجہ حرارت 42 ڈگری سینٹی گریڈ ریکارڈ کیا گیا جبکہ تربت، جیکب آباد اور سبی بھی شدید گرمی کی لپیٹ میں ہیں جہاں درجہ حرارت 41 ڈگری ریکارڈ کیا گیا۔
کراچی میں کم سےکم درجہ حرارت 25 ڈگری سینٹی گریڈ ریکارڈ کیا گیا اور محکمہ موسمیات کے مطابق زیادہ سے زیادہ درجہ حرارت 36 سے 38 ڈگری سینٹی گریڈ تک بڑھنے کا امکان ہے۔
پشاور اور لاہور میں 34 ڈگری سینٹی گریڈ ریکارڈ کیا گیا جبکہ کوئٹہ میں درجہ حرارت 26 ڈگری سینٹی گریڈ رہا۔محکمہ موسمیات کے مطابق اگلے 24 گھنٹے کے دوران ملک کے بیشتر علاقوں میں موسم خشک جبکہ جنوبی پنجاب اور سندھ میں گرم رہے گا۔
ملک کے بالائی علاقوں میں سردی برقرار رہے گی جبکہ کوئٹہ، ژوب، مالاکنڈ، ڈی آئی خان ڈویژن، کشمیر اور گلگت بلتستان میں پر موسم بعض مقامات پر تیز ہواؤں اور گرج چمک کے ساتھ ہلکی بارش کا امکان ہے۔

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے