ملتان سے 3مبینہ دہشتگرد گرفتار

ویب ڈیسک | اتوار09جون2019
ملتان:سی ٹی ڈی نے بڑی کارروائی کرتے ہوئے 3 مبینہ دہشتگرد گرفتار کر لئے جن کے قبضے سے بارودی مواد اور چندہ وصول کرنے کی رسیدیں برآمد کر لی گئیں۔
ملتان میں سی ٹی ڈی نے دہشت گردی کا منصوبہ ناکام بنا دیا۔ حکام کے مطابق دہشت گرد سکیورٹی اداروں کے افسروں اور حساس مقامات کو نشانہ بنانا چاہتے تھے تاہم سی ٹی ڈی نے اطلاع ملنے پر بروقت کارروائی کی اور تباہی پھیلانے کی منصوبہ بندی کرتے دہشت گردوں کو گرفتار کر لیا اور ان کے قبضے سے واردات کے لئے استعمال کئے جانے والے بارودی مواد کے علاوہ سہولت کاروں کی جانب سے مہیا کئے گئے چندے کی رسیدیں بھی برآمد کر لیں۔ یہ رسیدیں دہشتگردی کی کارروائیوں میں مالی امداد دینے والوں کے خلاف ایکشن میں استعمال کی جائیں گی۔
سی ٹی ڈی کے مطابق تخریب کاروں کو کھیڑہ چوک ملتان سے گرفتار کیا گیا اور تفتیش کیلئے نامعلوم مقام پر منتقل کر دیا گیا ہے، دہشتگردوں کے بارے میں تفصیلات فی الحال مہیا نہیں کی گئیں۔

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے