کراچی میں شدید گرمی کے بعد بارش

ویب ڈیسک : 24ستمبر 2019
کراچی: شہر قائد کے مختلف علاقوں میں موسلا دھار بارش سے جل تھل ہوگیا جب کہ بارش کے باعث گرمی کا زور ٹوٹ گیا۔
کراچی کے مختلف علاقوں میں موسلا دھار بارش کا سلسلہ جاری ہے۔ بارش کے باعث گزشتہ کئی روز سے جاری شدید گرمی کا زور ٹوٹ گیا اورگرمی کے ستائے لوگوں نے ابرِ رحمت برسنے پر خدا کا شکر ادا کیا۔
کراچی کے علاقے ڈیفنس، محمودآباد، منظور کالونی، اختر کالونی سمیت ملحقہ علاقوں میں بارش کا سلسلہ جاری ہے، جب کہ ایف بی ایریا، بفرزون، نارتھ کراچی اور نیو کراچی میں موسلا دھار بارش ہورہی ہے۔
اس کے علاوہ کراچی کے دیگر علاقوں گلشنِ اقبال، گلستانِ جوہر، پی ای سی ایچ ایس، صدر، اولڈ سٹی ایریا، لائنز ایریا، پی آئی بی کالونی اور لسبیلہ میں بھی بارش کا سلسلہ جاری ہے۔

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے