وزیراعلیٰ اب سرکاری دفاتر کااچانک ’’آن لائن‘‘معائنہ کرینگے

وزیراعلیٰ کارجسٹری برانچ ڈیرہ غازی خان کا ’’آن لائن‘‘معائنہ،شکایات کے انبار،سب رجسٹرار معطل

ویب ڈیسک : 21اکتوبر2019
لاہور:سرکاری دفاتر میں بیوروکریسی کی روایتی ہٹ دھرمی کے باعث عوام کے جائزہ کاموں میں رکاوٹ اور تاخیر پر وزیراعلیٰ عثمان بزدار کا بڑا اقدام ،وزیراعلیٰ اب لاہور میں بیٹھ کرپنجاب انفارمیشن ٹیکنالوجی بورڈ کے سسٹم کے ذریعے اچانک کسی بھی ضلع اور شہر میں سرکاری دفاتر کا آن لائن معائنہ کریں گے اس سلسلہ میں وزیراعلیٰ پنجاب سردار عثمان خان بزدار نے آج رجسٹری برانچ ڈیرہ غازی خان کا ”آن لائن وزٹ“ کیا ہے ۔
پنجاب حکومت کی طرف سے جاری اعلامیے کےمطابق وزیراعلیٰ نے اپنے آفس سے پنجاب انفارمیشن ٹیکنالوجی بورڈ کے سسٹم کے ذریعے اچانک رجسٹری برانچ ڈیرہ غازی خان کا معائنہ کیا۔وزیراعلیٰ سردار عثمان بزدار نے رجسٹری برانچ میں موجود لوگوں سے گفتگو، صورت احوال کے بارے میں دریافت کیا۔شہریوں سے رجسٹری اور دیگر ریونیو امور پر پیسے مانگنے کے بارے میں بھی پوچھا-سردار عثمان بزدار نے اس موقع پر کہا کہ اگر کسی سرکاری افسر یا ملازم نے شہریوں سے پیسے لئے تو اس کی خیر نہیں ہو گی۔
وہاں موجود ایک شہری شاہد رسول نے شکایت کی کہ سٹی کے سب رجسٹرار کا تبادلہ ہو چکا ہے، نئے سب رجسٹرار نے ابھی تک چارج نہیں لیا۔ بیان کروانے آئے ہیں نئے سب رجسٹرار کے غیر ذمہ دارانہ رویے کی وجہ سے تکلیف کا سامنا ہے۔ ایک اور شہری غلام صدیق خان نے کہا کہ رجسٹری کروانے کے لئے چار دن سے آرہے ہیں،کام نہیں ہورہا۔
سردارعثمان بزدار نے بروقت عہدے کا چارج نہ لینے پر سب رجسٹرار عمران حمید کو معطل کرنے کا حکم دے دیا جسے موقع پر معطل بھی کردیا گیا۔وزیر اعلی نے شہریوں کی شکایت پر ڈپٹی کمشنر اور اسسٹنٹ کمشنر کو رجسٹری برانچ طلب کر لیا-
عثمان بزدار نے ضلعی انتظامیہ کے افسروں کو ہدایت کی کہ دفتر سے نکلیں اوررجسٹری برانچ فوری طور پر پہنچیں، عوام پریشان ہیں۔ وزیراعلی پنجاب نے حکم دیا کہ ڈپٹی کمشنر رجسٹری برانچ میں موجود تمام لوگوں کے مسائل فوری حل کریں۔
وزیراعلی پنجاب نے کہا کہ وہ روزانہ”آن لائن وزٹ“ سے سرکاری دفاتر کا جائزہ لیا کرینگے۔ کسی بھی شہر کے کسی بھی دفتر کا کسی بھی وقت آن لائن جائزہ لیا جائے گا-سردار عثمان احمد خان بزدار نے کہا کہ عوام کے مسئلے خود حل کرواؤں گا، زیر التواء کیسز کو فوری نمٹایا جائے – جتنی بھی رجسٹریاں وغیرہ ہوں ان کے نمبر، وٹس ایپ نمبر سی ایم آفس بھیجے جائیں ۔وزیر اعلی سردار عثمان بزدر نے ڈیرہ غازی خان کے شہریوں سے سرائیکی میں بات چیت کرتے رہے ، لوگ اچانک آن لائن رابطے پر حیران رہ گئے ۔وزیر اعلی نے ڈپٹی کمشنر کو مسائل حل کر کے رپورٹ پیش کرنے کا حکم دیا-

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے