استاد کی تذلیل

کالم|رؤف کلاسرا

ﺍﺳﺘﺎﺩ ﮐﯽ ﺗﺬﻟﯿﻞ….رؤف کلاسرا


ﻣﯿﺮﺍ ﭼﮭﻮﭨﺎ ﺑﯿﭩﺎ ﺳﮑﻮﻝ ﺳﮯ ﻟﻮﭨﺎ ‘ ﺗﻮ ﻣﻨﮧ ﻟﭩﮑﺎ ﮨﻮﺍ ﺗﮭﺎ۔ ﺍﻓﺴﺮﺩﮦ ﺩﯾﮑﮫ ﮐﺮ ﻣﯿﮟ ﻧﮯ ﺍﺳﮯ ﭘﺎﺱ ﺑﻼ ﮐﺮﺑﭩﮭﺎﯾﺎ ﺍﻭﺭ ﻭﺟﮧ ﭘﻮﭼﮭﯽ ۔ﻭﮦ ﺑﻮﻻ ﺑﺎﺑﺎ ﺑﮩﺖ ﺑﺮﺍ ﮨﻮﺍ۔ ﺍﯾﮏ ﻟﮍﮐﮯ ﮐﻮ ﮐﻞ ﺍﺭﺩﻭ ﮐﯽ ﻣﯿﮉﻡ ﻧﮯ ﮨﻠﮑﯽ ﺳﮯ ﭼﻤﺎﭦ ﻟﮕﺎ ﺩﯼ ﺗﮭﯽ۔ ﺳﮑﻮﻝ ﻣﯿﮟ ﺍﺱ ﮐﺎ ﺍﯾﮏ ﺩﻭﺳﺖ ﻣﻮﺑﺎﺋﻞ ﻓﻮﻥ ﭘﺮ ﺳﯿﻠﻔﯿﺎﮞ ﺑﻨﺎ ﺭﮨﺎ ﺗﮭﺎ ﺍﻭﺭ ﻣﯿﮉﯾﻢ ﺍﺳﮯ ﻟﮯ ﮐﺮ ﭘﺮﻧﺴﭙﻞ ﮐﮯ ﭘﺎﺱ ﺟﺎﺭﮨﯽ ﺗﮭﯽ ﮐﮧ ﺍﺱ ﻟﮍﮐﮯ ﻧﮯ ﻣﯿﮉﯾﻢ ﮐﻮ ﺭﻭﮐﺎ ﮐﮧ ﮐﯿﻮﮞ ﺍﺱ ﮐﮯ ﺩﻭﺳﺖ ﮐﻮ ﻟﮯ ﮐﺮ ﺟﺎﺭﮨﯽ ﮨﯿﮟ۔ ﺍﺱ ﭘﺮ ﻣﯿﮉﯾﻢ ﻧﮯ ﺍﺳﮯ ﮔﺎﻝ ﭘﺮ ﮨﻠﮑﺎﺳﮯ ﺗﮭﭙﮍ ﻟﮕﺎ ﺩﯾﺎ ﮐﮧ ﺗﻢ ﺍﭘﻨﮯ ﮐﺎﻡ ﺳﮯ ﮐﺎﻡ ﺭﮐﮭﻮ۔
ﻭﮦ ﺍﮔﻠﮯ ﺩﻥ ﺍﭘﻨﮯ ﺑﺎﭖ ﮐﻮ ﻟﮯ ﺍٓﯾﺎ ۔ ﺍﺱ ﮐﺎ ﺑﺎﭖ ﻣﺸﮩﻮﺭ ﺍٓﺩﻣﯽ ﺍﻭﺭﻧﻮﺍﺯ ﺷﺮﯾﻒ ﺣﮑﻮﻣﺖ ﻣﯿﮟ ﺑﮩﺖ ﺍﮨﻤﯿﺖ ﺭﮐﮭﺘﺎ ﮨﮯ۔ ﺍﺱ ﻧﮯ ﺳﮑﻮﻝ ﻣﯿﮟ ﺭﻭﻻ ﮈﺍﻝ ﺩﯾﺎ۔ ﺍٓﺧﺮ ﻣﯿﮟ ﻣﯿﮉﻡ ﮐﻮ ﺍﺱ ﮐﮯ ﺑﯿﭩﮯ ﺳﮯ ﻣﻌﺎﻓﯽ ﻣﺎﻧﮕﻨﯽ ﭘﮍﯼ۔
ﻣﯿﺮﺍ ﺑﯿﭩﺎ ﺑﻮﻻ ﺍﯾﺴﮯ ﻧﮩﯿﮟ ﮨﻮﻧﺎ ﭼﺎﮨﯿﮯ ﺗﮭﮯ۔ﻣﺠﮭﮯ ﺣﯿﺮﺍﻧﯽ ﮨﻮﺋﯽ ﮐﯿﻮﻧﮑﮧ ﻣﯿﺮﺍ ﯾﮧ ﺑﯿﭩﺎ ﺧﻮﺩ ﺍﺳﯽ ﻣﯿﮉﻡ ﺳﮯ ﺩﻭ ﺩﻓﻌﮧ ﺗﮭﭙﮍ ﮐﮭﺎ ﭼﮑﺎ ﺗﮭﺎ ۔ﻣﺠﮭﮯ ﯾﺎﺩ ﺍٓﯾﺎ ﭘﭽﮭﻠﮯ ﺳﺎﻝ ﻣﯿﺮﮮ ﺑﮍﮮ ﺑﯿﭩﮯ ﮐﻮ ﺍﺳﯽ ﻣﯿﮉﻡ ﻧﮯ ﺍﯾﮏ ﺗﮭﭙﮍ ﻣﺎﺭﺍ ﺗﮭﺎ۔ ﻭﮦ ﮔﮭﺮ ﻟﻮﭨﺎ ﺗﻮ ﻣﺴﮑﺮﺍﺗﮯ ﮨﻮﺋﮯ ﺑﻮﻻﺍٓﺝ ﻣﯿﮉﯾﻢ ﻧﮯ ﻣﺠﮭﮯ ﻣﺎﺭﺍ ﮨﮯ۔ ﻣﯿﮟ ﻧﮯ ﮐﮩﺎ ﺑﯿﭩﺎ ﺧﻮﺵ ﻗﺴﻤﺖ ﮨﻮ ۔ ﺍﺳﺘﺎﺩ ﮐﺎ ﺗﮭﭙﮍ ﺍٓﮔﮯ ﻟﮯ ﺟﺎﺗﺎ ﮨﮯ۔ﻭﮦ ﻓﻮﺭﺍً ﺑﻮﻻ ﻧﮩﯿﮟ ﺑﺎﺑﺎ ﻭﮦ ﺍﭼﮭﯽ ﮨﯿﮟ۔ ﻣﯿﮟ ﻧﮯ ﺗﻮ ﻭﯾﺴﮯ ﮨﯽ ﺍٓﭖ ﮐﻮ ﮐﮩﺎ ﮨﮯ۔ ﺍﺳﯽ ﺍﺳﺘﺎﺩ ﺍﻭﺭ ﺍﺱ ﮐﮯ ﺗﮭﭙﮍ ﮐﯽ ﻭﺟﮧ ﺳﮯ ﻣﯿﺮﮮ ﺑﯿﭩﮯ ﮐﺎ ﺍﺱ ﺳﺎﻝ ﺍﻭ ﻟﯿﻮﻝ ﻣﯿﮟ ﺍﺳﯽ ﻣﻀﻤﻮﻥ ﻣﯿﮟ ﺍﮮ ﮔﺮﯾﮉ ﺍٓﯾﺎ۔ ﺍﺏ ﭼﮭﻮﭨﺎ ﺑﯿﭩﺎ ﺑﮭﯽ ﺍﻥ ﮐﮯ ﭘﺎﺱ ﭘﮍﮬﺘﺎ ﮨﮯ۔ ﺍﺳﮯ ﺑﮭﯽ ﺩﻭ ﺩﻓﻌﮧ ﮔﺎﻟﻮﮞ ﭘﺮ ﮨﻠﮑﺎ ﺳﺎ ﺗﮭﭙﮍ ﭘﮍ ﭼﮑﺎ ﮨﮯ۔ﻭﮦ ﮨﺮ ﺩﻓﻌﮧ ﺍٓﮐﺮ ﺑﺘﺎﺗﺎ ﮨﮯ ﺍﻭﺭ ﻣﺴﮑﺮﺍﺗﺎ ﮨﮯ۔ ﻣﯿﮟ ﻧﮯ ﮐﮩﺎ ﺷﺮﻣﻨﺪﮦ ﮨﻮﻧﮯ ﮐﯽ ﺑﺠﺎﺋﮯ ﻣﺴﮑﺮﺍﺗﮯ ﮨﻮ۔
ﺑﺎﺋﯽ ﭼﺎﻧﺲ ﭼﺎﺭ ﺩﻥ ﻗﺒﻞ ﺍﺳﯽ ﻣﯿﮉﯾﻢ ﺳﮯ ﻣﻼﻗﺎﺕ ﮨﻮﮔﺌﯽ۔ ﻣﯿﺮﺍ ﭼﮭﻮﭨﺎ ﺑﯿﭩﺎ ﺑﮭﯽ ﺳﺎﺗﮫ ﺗﮭﺎ ۔ ﻭﮦ ﮐﮩﻨﮯ ﻟﮕﯿﮟ ﯾﮧ ﻣﺤﻨﺖ ﻧﮩﯿﮟ ﮐﺮﺭﮨﺎ۔ ﻣﯿﮟ ﻧﮯ ﮐﮩﺎ ﻣﯿﮉﻡ ﺍٓﭖ ﻧﮯ ﭘﭽﮭﻠﮯ ﺳﺎﻝ ﺑﮍﮮ ﺑﯿﭩﮯ ﮐﻮ ﺍﯾﮏ ﺗﮭﭙﮍ ﻣﺎﺭﺍ ﺗﮭﺎ ﻭﮦ ﭨﮭﯿﮏ ﮨﻮﮔﯿﺎ ﺗﮭﺎ ﺍﻭﺭ ﺍﺱ ﻧﮯ ﺍﮮ ﮔﺮﯾﮉ ﻟﯿﺎ۔ ﺍﯾﮏ ﺍٓﺩﮪ ﺍﺱ ﮐﻮ ﺑﮭﯽ ﺟﮍ ﺩﯾﮟ ﺗﻮ ﺷﺎﯾﺪ ﺍﺱ ﮐﮯ ﻧﺼﯿﺐ ﺑﺪﻝ ﺟﺎﺋﯿﮟ … ﻭﮦ ﺑﻮﻟﯿﮟ ﺍٓﭖ ﮐﻮ ﺍﻋﺘﺮﺍﺽ ﺗﻮ ﻧﮩﯿﮟ ﮨﻮﮔﺎ؟ ﻣﯿﮟ ﻧﮯ ﮐﮩﺎ ‘ ﮐﯿﺎ ﭘﭽﮭﻠﮯ ﺳﺎﻝ ﻣﯿﮟ ﮐﻮﺋﯽ ﺍﺣﺘﺠﺎﺝ ﮐﺮﻧﮯ ﺍٓﯾﺎ ﺗﮭﺎ ؟ ﻣﯿﮟ ﻧﮯ ﮐﮩﺎ ﯾﮧ ﺷﮑﺮ ﮐﺮﯾﮟ ﮐﮧ ﺍٓﭖ ﻟﻮﮒ ﮔﺎﻟﻮﮞ ﭘﺮ ﮨﻠﮑﺎ ﭘﮭﻠﮑﺎ ﺗﮭﭙﮍ ﺟﮍ ﺩﯾﺘﯽ ﮨﯿﮟ۔ ﻣﯿﮟ ﮔﺎﺋﻮﮞ ﺳﮯ ﺍٓﯾﺎ ﮨﻮﮞ ﻭﮨﺎﮞ ﺗﻮ ﺳﺎﺭﮮ ﮔﺎﺋﻮﮞ ﻭﺍﻟﮯ ﺍﺳﺘﺎﺩ ﺳﮯ ﻣﻨﺖ ﺗﺮﻟﮯ ﮐﺮ ﮐﮯ ﮨﻢ ﺑﭽﻮﮞ ﮐﻮ ﺳﺰﺍ ﺳﮯ ﺑﭽﺎﺗﮯ ﺗﮭﮯ ﻭﺭﻧﮧ ﺍﺳﺘﺎﺩ ﮐﺎ ﺟﺐ ﺗﮏ ﺩﻝ ﭼﺎﮨﺘﺎ ﮐﺎﻥ ﭘﮑﮍﺍ ﮐﺮ ﭼﮭﺘﺮﻭﻝ ﮐﺮﺗﺎ۔ ﻣﯿﮟ ﺧﻮﺩ ﮐﺌﯽ ﺩﻓﻌﮧ ﺍﺳﺘﺎﺩﻭﮞ ﮐﮯ ﮨﺎﺗﮭﻮﮞ ﭘﭧ ﭼﮑﺎ ﮨﻮﮞ۔ ﻣﯿﮟ ﻧﮯ ﮨﺘﮭﯿﻠﯽ ﺍٓﮔﮯ ﮐﺮ ﮐﮯ ﮐﮩﺎ ﺍﻥ ﮨﺎﺗﮭﻮﮞ ﭘﺮ ﮐﺌﯽ ﺩﻓﻌﮧ ﮈﻧﮉﮮ ﮐﮭﺎﺋﮯ ﮨﯿﮟ ﺍﻭﺭ ﺍﯾﺴﯽ ﮐﺌﯽ ﺟﮕﮩﻮﮞ ﭘﺮ ﮈﻧﮉﮮ ﮐﮭﺎﺋﮯ ﮨﯿﮟ ﺟﻦ ﮐﺎ ﺑﺘﺎﯾﺎ ﺗﮏ ﻧﮩﯿﮟ ﺟﺎﺳﮑﺘﺎ …. ﻭﮦ ﮨﻨﺲ ﭘﮍﯾﮟ۔ﻣﯿﺮﮮ ﺩﻭﻧﻮﮞ ﺑﭽﮯ ﺣﯿﺮﺍﻧﯽ ﺳﮯ ﻣﺠﮭﮯ ﺩﯾﮑﮫ ﺭﮨﮯ ﺗﮭﮯ ﮐﮧ ﺍﻥ ﮐﺎ ﺑﺎﭖ ﺑﮭﯽ ﺍﺳﺘﺎﺩﻭﮞ ﺳﮯ ﭘﭩﺘﺎ ﺭﮨﺎ ﮨﮯ۔
ﺗﺸﺪﺩ ﺍﻭﺭ ﮔﺎﻟﻮﮞ ﭘﺮ ﮨﻠﮑﺎ ﺗﮭﭙﮍ ﻣﺎﺭﻧﮯ ﻣﯿﮟ ﺑﮩﺖ ﺑﮍﺍ ﻓﺮﻕ ﮨﮯ۔ ﮨﻤﺎﺭﮮ ﺩﻭﺭ ﻣﯿﮟ ﺗﻮ ﺑﺎﻗﺎﻋﺪﮦ ﺑﭽﻮﮞ ﭘﺮ ﺗﺸﺪﺩ ﮨﻮﺗﺎ ﺗﮭﺎ ﺟﻮ ﮐﮧ ﻏﻠﻂ ﺗﮭﺎ۔ ﻣﺠﮭﮯ ﺧﻮﺩ ﯾﺎﺩ ﮨﮯ ﮐﮧ ﺧﻮﻑ ﮐﮯ ﻣﺎﺭﮮ ﻣﯿﮟ ﺳﮑﻮﻝ ﺟﺎﻧﮯ ﺳﮯ ﮔﮭﺒﺮﺍﺗﺎ ﺗﮭﺎ ۔ ﯾﮧ ﺩﺭﺳﺖ ﮨﮯ ﮐﮧ ﺑﭽﻮﮞ ﭘﺮ ﺳﮑﻮﻝ ﻣﯿﮟ ﺗﺸﺪﺩ ﻧﮩﯿﮟ ﮨﻮﻧﺎ ﭼﺎﮨﯿﮯ ﺍﻭﺭ ﺍٓﺝ ﮐﮯ ﺟﺪﯾﺪ ﺳﮑﻮﻝ ﺗﻮ ﯾﮧ ﺳﻮﭺ ﺑﮭﯽ ﻧﮩﯿﮟ ﺳﮑﺘﮯ ﮐﯿﻮﻧﮑﮧ ﻣﺎﮞ ﺑﺎﭖ ﮈﻧﮉﺍ ﻟﮯ ﮐﺮ ﭘﮩﻨﭻ ﺟﺎﺗﮯ ﮨﯿﮟ۔
ﻣﺠﮭﮯ ﺍﭘﻨﮯ ﻟﻨﺪﻥ ﻣﯿﮟ ﻣﻘﯿﻢ ﺩﻭﺳﺖ ﺷﻌﯿﺐ ﮐﯽ ﺑﯿﮕﻢ ﻋﺎﻟﯿﮧ ﮐﯽ ﺍﯾﮏ ﺑﺎﺕ ﯾﺎﺩ ﺍٓﺋﯽ۔ ﺩﻭ ﮨﺰﺍﺭ ﮔﯿﺎﺭﮦ ﮐﮯ ﻟﻨﺪﻥ ﻣﯿﮟ ﻓﺴﺎﺩﺍﺕ ﮐﮯ ﺑﻌﺪ ﭘﻮﻟﯿﺲ ﻧﮯ ﻭﺍﻟﺪﯾﻦ ﮐﻮ ﮐﮩﺎ ﮐﮧ ﻭﮦ ﺍﭘﻨﮯ ﺑﭽﻮﮞ ﭘﺮ ﺳﺨﺘﯽ ﮐﺮﯾﮟ ﮐﯿﻮﻧﮑﮧ ﯾﮧ ﺑﮕﮍ ﮔﺌﮯ ﮨﯿﮟ۔ ﺍﺱ ﭘﺮ ﻋﺎﻟﯿﮧ ﻧﮯ ﺧﻮﺑﺼﻮﺭﺕ ﺗﺒﺼﺮﮦ ﮐﯿﺎ ﺗﮭﺎ ﮐﮧ ﭘﮩﻠﮯ ﮨﻤﯿﮟ ﮐﮩﺎ ﮔﯿﺎ ﮐﺴﯽ ﻧﮯ ﺑﭽﮯ ﭘﺮ ﺳﺨﺘﯽ ﮐﯽ ﺗﻮ ﺑﭽﮧ ﭼﮭﯿﻦ ﻟﯿﺎ ﺟﺎﺋﮯ ﮔﺎ۔ ﺳﮑﻮﻟﻮﮞ ﻣﯿﮟ ﺑﭽﻮﮞ ﮐﻮ ﮐﮩﺎ ﮔﯿﺎ ﮔﮭﺮ ﭘﺮ ﺍﮔﺮ ﮐﻮﺋﯽ ﺳﺨﺘﯽ ﮐﺮﮮ ﺗﻮ ﭘﻮﻟﯿﺲ ﮐﻮ ﺭﭘﻮﺭﭦ ﮐﺮﻭ ﺍﻭﺭ ﺍﺏ ﻭﮨﯽ ﭘﻮﻟﯿﺲ ﮐﮩﺘﯽ ﮨﮯ ﮐﮧ ﺑﭽﻮﮞ ﭘﺮ ﺳﺨﺘﯽ ﮐﺮﻭ ﮐﯿﻮﻧﮑﮧ ﻭﮦ ﻓﺴﺎﺩﺍﺕ ﮐﺮﺭﮨﮯ ﮨﯿﮟ۔
ﺑﭽﻮﮞ ﮐﻮ ﮐﭽﮫ ﻧﮩﯿﮟ ﮐﮩﻨﮯ ﻭﺍﻟﮯ ﮐﻠﭽﺮ ﮐﺎ ﻧﺘﯿﺠﮧ ﯾﮧ ﻧﮑﻼ ﮨﮯ ﮐﮧ ﺍﺳﻼﻡ ﺍٓﺑﺎﺩ ﮐﮯ ﮐﭽﮫ ﺳﮑﻮﻟﻮﮞ ﮐﮯ ﺑﺎﺭﮮ ﻣﯿﮞﻤﺸﮩﻮﺭ ﮨﮯ ﻭﮨﺎﮞ ﺍٓﭨﮭﻮﯾﮟ ﺳﮯ ﻟﮯ ﮐﺮ ﺩﺳﻮﯾﮟ ﯾﺎ ﺍﮮ ﻟﯿﻮﻝ ﺗﮏ ﮐﭽﮫ ﺑﭽﮯ ﮐﮭﻠﮯ ﻋﺎﻡ ﺳﮕﺮﯾﭧ ﭘﯿﺘﮯ ﺍﻭﺭ ﺩﯾﮕﺮ ﻧﺸﮧ ﮐﺮﺗﮯ ﮨﯿﮟ ﮐﯿﻮﻧﮑﮧ ﺍﺳﺘﺎﺩﻭﮞ ﺳﮯ ﻭﺍﻟﺪﯾﻦ ﻧﮯ ﺟﺮﺍٔﺕ ﭼﮭﯿﻦ ﻟﯽ ﮨﮯ ﮐﮧ ﻭﮦ ﺍﭘﻨﮯ ﺷﺎﮔﺮﺩ ﮐﻮ ﮐﺴﯽ ﻏﻠﻂ ﺑﺎﺕ ﭘﺮ ﻣﻨﻊ ﮐﺮ ﺳﮑﯿﮟ ﯾﺎ ﺍﺳﮯ ﮨﻠﮑﯽ ﭘﮭﻠﮑﯽ ﺳﺰﺍ ﺩﮮ ﺳﮑﯿﮟ۔
ﮐﭽﮫ ﺳﺎﻝ ﻗﺒﻞ ﻣﯿﺮﮮ ﭼﮭﻮﭨﮯ ﺑﯿﭩﮯ ﻧﮯ ﺟﺲ ﮐﯽ ﻋﻤﺮ ﺍﺱ ﻭﻗﺖ ﺑﻤﺸﮑﻞ ﺍٓﭨﮫ ﺑﺮﺱ ﮨﻮﮔﯽ ﻣﺠﮭﮯ ﮐﮩﺎ ﮐﮧ ﺑﺎﺑﺎ ﮨﻤﺎﺭﺍ ﮔﯿﻨﮓ ﮨﮯ۔ ﻣﯿﮟ ﻧﮯ ﺧﻮﻓﺰﺩﮦ ﻧﻈﺮﻭﮞ ﺳﮯ ﺍﺳﮯ ﺩﯾﮑﮭﺎ ﺗﻮ ﻭﮦ ﺑﻮﻻ، ﮐﻞ ﮨﻤﺎﺭﮮ ﺍﯾﮏ ﺩﻭﺳﺖ ﮐﻮ ﮐﭽﮫ ﻟﮍﮐﻮﮞ ﻧﮯ ﻣﺎﺭﺍ ﺗﮭﺎ۔ ﺍٓﺝ ﮨﻢ ﺩﻭﺳﺘﻮﮞ ﻧﮯ ﺍﻧﮩﯿﮟ ﻣﺎﺭﺍ ﮨﮯ ﺍﻭﺭ ﻓﯿﺼﻠﮧ ﮐﯿﺎ ﮨﮯ ﮐﮧ ﺍٓﺋﻨﺪﮦ ﮨﻢ ﺍﮐﭩﮭﮯ ﻟﮍﯾﮟ ﮔﮯ۔ ﯾﮧ ﻭﮨﯽ ﺳﮑﻮﻝ ﮨﮯ ﺟﮩﺎﮞ ﺑﭽﮯ ﮐﭽﮫ ﺑﮭﯽ ﮐﺮﺗﮯ ﺭﮨﯿﮟ ﺍﺳﺘﺎﺩ ﺍﻧﮩﯿﮟ ﺭﻭﮎ ﻧﮩﯿﮟ ﺳﮑﺘﮯ۔ ﻣﯿﮟ ﻧﮯ ﺍﺳﯽ ﺩﻥ ﺍﭘﻨﮯ ﺑﯿﭩﮯ ﮐﻮ ﺳﮑﻮﻝ ﺳﮯ ﻧﮑﺎﻝ ﮐﺮ ﻣﻮﺟﻮﺩﮦ ﺳﮑﻮﻝ ﻣﯿﮟ ﮈﺍﻝ ﺩﯾﺎ ﺟﺲ ﮐﺎ ﭘﮍﮬﺎﺋﯽ ﮐﮯ ﻋﻼﻭﮦ ﮈﺳﭙﻠﻦ ﺑﮩﺖ ﺍﭼﮭﺎ ﮨﮯ۔ ﯾﮩﺎﮞ ﮐﺴﯽ ﮔﯿﻨﮓ ﮐﺎ ﺳﻮﺍﻝ ﺗﮏ ﭘﯿﺪﺍ ﻧﮩﯿﮟ ﮨﻮﺗﺎ ۔
ﮐﺒﮭﯽ ﮐﻠﭽﺮ ﮨﻮﺗﺎ ﺗﮭﺎ ﻟﻮﮒ ﮐﺴﯽ ﮐﮯ ﺑﭽﮯ ﮐﻮ ﻏﻠﻂ ﮐﺎﻡ ﮐﺮﺗﮯ ﺩﯾﮑﮫ ﮐﺮ ﺍﺳﮯ ﺭﻭﮐﺘﮯ ﺗﮭﮯ ﺍﻭﺭ ﺑﭽﮧ ﺑﮭﯽ ﺭﮎ ﺟﺎﺗﺎ ﺗﮭﺎ۔ ﮈﺭ ﺟﺎﺗﺎ ﺗﮭﺎ ﮐﮧ ﺍﮔﺮ ﺍﺱ ﮐﯽ ﺷﮑﺎﯾﺖ ﻟﮓ ﮔﺌﯽ ﺗﻮ ﮔﮭﺮ ﻭﺍﻟﮯ ﺍﻭﺭ ﮈﺍﻧﭩﯿﮟ ﮔﮯ۔ ﻭﮦ ﺑﭽﮧ ﭘﻮﺭﮮ ﮔﺎﺋﻮﮞ ﮐﺎ ﺑﭽﮧ ﮨﻮﺗﺎ ﺗﮭﺎ۔ ﮔﺎﺋﻮﮞ ﮐﺎ ﺑﮍﺍ ﺟﺐ ﭼﺎﮨﮯ ﺍﺱ ﮐﻮ ﺭﻭﮎ ﺳﮑﺘﺎ ﺗﮭﺎ۔ ﺍﺳﮯ ﺳﺰﺍ ﺑﮭﯽ ﺩﮮ ﺳﮑﺘﺎ ﺗﮭﺎ۔ ﺍﻭﺭ ﭘﮭﺮ ﺍﭼﺎﻧﮏ ﻣﺎﺣﻮﻝ ﺑﺪﻟﻨﺎ ﺷﺮﻭﻉ ﮨﻮﺍ ﺍﻭﺭ ﭘﮍﮬﯽ ﻟﮑﮭﯽ ﻣﺎﺋﻮﮞ ﺍﻭﺭ ﺍﻥ ﮐﮯ ﺑﺎﭖ ﻧﮯ ﻧﯿﺎ ﺩﺳﺘﻮﺭ ﺍﭘﻨﺎ ﻟﯿﺎ ﮐﮧ ﮨﻤﺎﺭﮮ ﺑﭽﮧ ﮐﭽﮫ ﺑﮭﯽ ﮐﺮﺗﺎ ﮨﻮ ﺗﻢ ﮐﻮﻥ ﮨﻮﺗﮯ ﮨﻮ ﺍﺳﮯ ﺭﻭﮐﻨﮯ ﻭﺍﻟﮯ۔ ﻣﯿﮟ ﻧﮯ ﺍﭘﻨﯽ ﺑﯿﻮﯼ ﮐﻮ ﺳﺨﺘﯽ ﺳﮯ ﮐﮩﺎ ﮨﻮﺍ ﺗﮭﺎ ﮐﮧ ﮨﻤﺎﺭﮮ ﺑﭽﻮﮞ ﮐﻮ ﺍﮔﺮ ﮐﻮﺋﯽ ﺑﮍﺍ ﺭﻭﮐﮯ ﺍﻭﺭ ﺍﮔﺮ ﮐﭽﮫ ﺳﺨﺖ ﮐﮩﮧ ﺑﮭﯽ ﺩﮮ ﺗﻮ ﮐﺒﮭﯽ ﺍﻥ ﮐﮯ ﮔﮭﺮ ﺟﺎ ﮐﺮ ﻣﺖ ﻟﮍﻧﺎ۔ ﯾﻘﯿﻨﺎ ﮨﻤﺎﺭ ﺑﭽﮧ ﮐﻮﺋﯽ ﻏﻠﻂ ﮐﺎﻡ ﮐﺮﺭﮨﺎ ﮨﻮﮔﺎ ﺟﺲ ﭘﺮ ﺍﺱ ﻧﮯ ﺭﻭﮐﺎ ﮨﻮﮔﺎ۔
ﮐﭽﮫ ﻋﺮﺻﮧ ﻗﺒﻞ ﻣﯿﮟ ﺟﮩﺎﮞ ﺭﮨﺘﺎ ﺗﮭﺎ ﻭﮨﺎﮞ ﺍﯾﮏ ﺑﺎﺭﮦ ﺳﺎﻟﮧ ﺑﭽﮯ ﻧﮯ ﮔﺎﮌﯼ ﭼﻼﻧﺎ ﺷﺮﻭﻉ ﮐﺮﺩﯼ۔ ﺍﺱ ﮐﺎ ﺑﺎﭖ ﻓﺨﺮ ﺳﮯ ﮔﺎﮌﯼ ﺍﺳﮯ ﺳﮑﮭﺎ ﺭﮨﺎ ﺗﮭﺎ۔ ﺍﯾﮏ ﺩﻥ ﺑﭽﮧ ﺧﻮﺩ ﺗﯿﺰ ﮔﺎﮌﯼ ﭼﻼ ﺭﮨﺎ ﺗﮭﺎ۔ ﻣﯿﮟ ﻧﮯ ﺍﺳﮯ ﺭﻭﮎ ﮐﺮ ﻣﻨﻊ ﮐﯿﺎ ﺍﻭﺭ ﮐﮩﺎ ‘ ﺑﯿﭩﺎ ﭘﮩﻠﮯ ﺗﻮ ﺗﻤﮩﯿﮟ ﺍﺱ ﻋﻤﺮ ﻣﯿﮟ ﮔﺎﮌﯼ ﻧﮩﯿﮟ ﭼﻼﻧﯽ ﭼﺎﮨﯿﮯ ﮐﮧ ﺗﻢ ﺑﮩﺖ ﭼﮭﻮﭨﮯ ﮨﻮ۔ ﺩﻭﺳﺮﮮ ﺍﺗﻨﯽ ﺗﯿﺰ ﭼﻼ ﺭﮨﮯ ﮨﻮ۔ ﺑﻮﻻ، ﺍٓﭖ ﮐﻮ ﮐﯿﺎ۔ﻣﯿﺮﮮ ﺑﺎﺑﺎ ﻧﮯ ﺍﺟﺎﺯﺕ ﺩﮮ ﺭﮐﮭﯽ ﮨﮯ ﺍ ٓﭖ ﮐﯿﻮﮞ ﺭﻭﮎ ﺭﮨﮯ ﮨﯿﮟ۔ ﻣﯿﮟ ﻧﮯ ﮐﮩﺎ ﺑﯿﭩﺎ ﮐﯿﻮﻧﮑﮧ ﺗﻢ ﻣﯿﺮﮮ ﺑﯿﭩﮯ ﮐﯽ ﻋﻤﺮﮐﮯ ﮨﻮ۔ﺗﻤﮩﯿﮟ ﺍﮔﺮ ﺗﮑﻠﯿﻒ ﭘﮩﻨﭽﯽ ﺗﻮ ﻣﺠﮭﮯ ﭘﺮﯾﺸﺎﻧﯽ ﮨﻮ ﮔﯽ ۔ﺩﻭﺳﺮﮮ ﺩﻥ ﺍﺱ ﮐﺎ ﺑﺎﭖ ﻣﻼ ﺗﻮ ﻭﮦ ﻧﺎﺭﺍﺽ ﮨﻮﻧﮯ ﻟﮕﺎ ۔ ﻣﯿﮟ ﻧﮯ ﮐﮩﺎ ﺑﺎﺕ ﺳﻨﯿﮟ ﺍٓﭖ ﮐﻮ ﻣﯿﺮﺍ ﺷﮑﺮﯾﮧ ﺍﺩﺍ ﮐﺮﻧﺎ ﭼﺎﮨﯿﮯ ﺗﮭﺎ۔ ﺍٓﭖ ﺍﻟﭩﺎ ﻧﺎﺭﺍﺽ ﮨﻮﺭﮨﮯ ﮨﯿﮟ۔ ﺍﭖ ﮐﯿﺴﮯ ﺑﺎﭖ ﮨﯿﮟ ﺟﻮ ﺑﭽﮯ ﮐﮯ ﺳﺎﺗﮫ ﺩﺷﻤﻨﯽ ﮐﺮ ﺭﮨﮯ ﮨﯿﮟ۔ ﻭﮦ ﺑﻮﻻ ﻭﮦ ﺑﮩﺖ ﺍﭼﮭﺎ ﮈﺭﺍﺋﯿﻮﺭ ﮨﮯ۔ ﻣﯿﮞﻨﮯ ﮐﮩﺎ ﻭﮦ ﻣﻌﺎﺷﺮﮮ ﺑﯿﻮﻗﻮﻑ ﮨﯿﮟ ﺟﻨﮩﻮﮞ ﻧﮯ ﮈﺭﺍﺋﯿﻮﻧﮓ ﮐﯽ ﻋﻤﺮ ﺍﭨﮭﺎﺭﮦ ﺑﺮﺱ ﺭﮐﮭﯽ ﮨﮯ؟ ﺍﭖ ﺯﯾﺎﺩﮦ ﺳﻤﺠﮭﺪﺍﺭ ﻧﮑﻠﮯ ﮨﯿﮟ ﺍﻭﺭ ﺍﺱ ﻋﻤﺮ ﮐﻮ ﺑﺎﺭﮦ ﺳﺎﻝ ﮐﺮ ﺩﯾﺎ ﮨﮯ۔ ﮈﺭﺍﺋﯿﻮﻧﮓ ﮐﻮﺋﯽ ﮐﮭﯿﻞ ﻧﮩﯿﮟ ﮨﮯ۔ ﻣﯿﮟ ﮐﺌﯽ ﻭﺍﻗﻌﺎﺕ ﺟﺎﻧﺘﺎ ﮨﻮﮞ ﺟﺐ ﺍﺱ ﻃﺮﺡ ﺑﭽﮯ ﮔﺎﮌﯾﺎﮞ ﻟﮯ ﮐﺮ ﺩﻭﺳﺘﻮﮞ ﮐﮯ ﺳﺎﺗﮫ ﻧﮑﻞ ﺟﺎﺗﮯ ﮨﯿﮟ ﺍﻭﺭ ﺍﮐﺜﺮ ﺣﺎﺩﺛﮯ ﮨﻮﺗﮯ ﮨﯿﮟ ﮐﯿﻮﻧﮑﮧ ﮈﺭﺍﺋﯿﻮﻧﮓ ﻣﯿﮟ ﻓﻮﺭﯼ ﻓﯿﺼﻠﻮﮞ ﮐﯽ ﺿﺮﻭﺭﺕ ﮨﻮﺗﯽ ﮨﮯ، ﺣﺎﺿﺮ ﺩﻣﺎﻏﯽ ﭼﺎﮨﯿﮯ ﮨﻮﺗﯽ ﮨﮯ، ﺍﻭﺭ ﺳﺐ ﺳﮯ ﺑﮍﺍ ﮐﺮ ﺟﺬﺑﺎﺗﯽ ﭨﮭﮩﺮﺍﺋﻮ ﮐﯽ ﺿﺮﻭﺭﺕ ﮨﮯ ﺟﻮ ﺑﺎﺭﮦ ﺳﺎﻟﮧ ﺑﭽﮯ ﻣﯿﮟ ﻧﮩﯿﮟ ﭘﺎﺋﯽ ﺟﺎﺗﯽ ﻟﮩٰﺬﺍ ﻋﻤﺮﺍ ﺍﭨﮭﺎﺭﮦ ﺑﺮﺱ ﮐﯽ ﮔﺌﯽ ﮨﮯ۔ ﺍﯾﮏ ﺍٓﭖ ﮨﯿﮟ ﮐﮧ ﺍٓﭖ ﺍﻟﭩﺎ ﻣﺠﮭﮯ ﺷﺮﻣﻨﺪﮦ ﮐﺮ ﺭﮨﮯ ﮨﯿﮟ۔ ﺍﭘﻨﮯ ﺍﯾﮏ ﺩﻭﺳﺖ ﮐﺎ ﺑﺘﺎﯾﺎ ﺟﺲ ﮐﺎ ﺍﮐﻠﻮﺗﺎ ﺑﯿﭩﺎ ﺍﭘﻨﮯ ﺑﺎﭖ ﮐﯽ ﮔﺎﮌﯼ ﻟﮯ ﮐﺮ ﺩﻭﺳﺘﻮﮞ ﮐﮯ ﺳﺎﺗﮫ ﻧﮑﻞ ﮔﯿﺎ۔ ﺩﺭﯾﺎ ﭘﺮ ﻧﮩﺎﻧﮯ ﮔﯿﺎ ﺍﻭﺭ ﮈﻭﺏ ﮔﯿﺎ۔ ﻣﯿﮟ ﺑﺎﭖ ﺳﮯ ﺗﻌﺰﯾﺖ ﮐﺮﻧﮯ ﮔﯿﺎ ﺗﻮ ﻭﮦ ﺑﻮﻻ ‘ ﻣﯿﮟ ﻧﮯ ﻻﮈ ﻣﯿﮟ ﺑﭽﮯ ﮐﻮ ﮐﻢ ﻋﻤﺮﯼ ﻣﯿﮟ ﮔﺎﮌﯼ ﭼﻼﻧﮯ ﮐﯽ ﺍﺟﺎﺯﺕ ﺩﮮ ﺭﮐﮭﯽ ﺗﮭﯽ۔ ﻭﮦ ﺯﺍﺭﻭ ﻗﻄﺎﺭ ﺭﻭ ﺭﮨﺎ ﺗﮭﺎ ﺍﻭﺭ ﮐﮩﮧ ﺭﮨﺎ ﺗﮭﺎ ﻏﻠﻄﯽ ﮨﻮﮔﺌﯽ۔
ﺍﺱ ﻣﯿﮉﯾﻢ ﺳﮯ ﺑﮭﯽ ﻏﻠﻄﯽ ﮨﻮﮔﺌﯽ ﺗﮭﯽ۔ ﺍﺳﮯ ﮐﯿﺎ ﭘﮍﯼ ﮨﮯ ﮐﮧ ﻭﮦ ﺍﻣﯿﺮﻭﮞ ﮐﮯ ﺑﭽﻮﮞ ﮐﻮ ﺗﻤﯿﺰ ﺍﻭﺭ ﺳﻠﯿﻘﮧ ﺳﮑﮭﺎﻧﮯ ﮐﯽ ﮐﻮﺷﺶ ﮐﺮﮮ۔ ﺍﮔﺮ ﺍﮔﻠﮯ ﺩﻥ ﻣﯿﮟ ﻧﮯ ﺳﮑﻮﻝ ﺟﺎ ﮐﺮ ﺍﺱ ﺳﮯ ﭘﻮﺭﮮ ﺳﮑﻮﻝ ﮐﮯ ﺳﺎﻣﻨﮯ ﺍﭘﻨﮯ ﺑﯿﭩﮯ ﺳﮯ ﻣﻌﺎﻓﯽ ﻣﻨﮕﻮﺍﻧﯽ ﮨﮯ ﺗﻮﻭﮦ ﮐﯿﻮﮞ ﻣﯿﺮﮮ ﺑﭽﮯ ﭘﺮ ﺳﺨﺘﯽ ﮐﺮﮮ۔ ﻭﮦ ﮐﯿﻮﮞ ﺧﯿﺎﻝ ﮐﺮﮮ ﻣﯿﺮﮮ ﺑﭽﮯ ﮐﻮ ﺗﻤﯿﺰ ﺍﻭﺭ ﺍٓﺩﺍﺏ ﮐﺎ ﭘﺘﮧ ﮨﻮ۔ ﺍﺳﮯ ﭘﺘﮧ ﮨﻮ ﮐﮧ ﺍﺳﺘﺎﺩ ﮐﻮ ﮐﯿﺴﮯ ﺍﺣﺘﺮﺍﻡ ﺩﮐﮭﺎﻧﺎ ﮨﮯ۔ ﺍﮔﺮ ﺍﺱ ﭘﺮ ﺳﺨﺘﯽ ﻧﮧ ﮐﯽ ﺗﻮ ﻭﮦ ﺷﺎﯾﺪ ﺗﻌﻠﯿﻢ ﻣﯿﮟ ﭘﯿﭽﮭﮯ ﺭﮦ ﺟﺎﺋﮯ۔ﺍﯾﮏ ﮨﻠﮑﺎ ﺳﺎ ﮔﺎﻝ ﭘﺮ ﺗﮭﭙﮍ ﺑﮭﯽ ﻧﮩﯿﮟ ﻟﮕﺎﯾﺎ ﺟﺎﺳﮑﺘﺎ۔
ﺗﺸﺪﺩ ﺍﻭﺭ ﺍﺱ ﮨﻠﮑﮯ ﭘﮭﻠﮑﮯ ﺗﮭﭙﮍ ﻣﯿﮟ ﮨﻢ ﺗﻤﯿﺰ ﻧﮩﯿﮟ ﮐﺮﺳﮑﺘﮯ۔؟
ﻣﺠﮭﮯ ﺍﭘﻨﮯ ﮔﺎﺋﻮﮞ ﮐﮯ ﺳﮑﻮﻝ ﺳﮯ ﻟﮯ ﮐﺮ ﮐﺎﻟﺞ ﺍﻭﺭ ﯾﻮﻧﯿﻮﺭﺳﭩﯽ ﺗﮏ ﮐﮯ ﺍﺳﺘﺎﺩ ﯾﺎﺩ ﺍٓﺋﮯ۔ ﺟﻦ ﮐﮯ ﻓﯿﺾ ﮐﮯ ﺑﻘﻮﻝ ﯾﮩﺎﮞ ﺗﮏ ﭘﮩﻨﭽﺎ ﮨﻮﮞ۔ﮐﮩﯿﮟ ﺳﮯ ﭘﯿﺎﺭ ﺗﻮ ﮐﮩﯿﮟ ﺳﮯ ﻣﺎﺭ ﻣﻠﯽ ﻟﯿﮑﻦ ﺍﻥ ﺳﺐ ﮐﺎ ﻣﻘﺼﺪ ﻣﯿﺮﯼ ﺑﮭﻼﺋﯽ ﺗﮭﺎ ۔ ﮐﮩﺎﮞ ﮔﺌﮯ ﺭﻭﻣﯽ ﺟﯿﺴﮯ ﻋﻈﯿﻢ ﺷﺎﮔﺮﺩ ﺟﻮ ﺍﭘﻨﮯ ﮔﺮﻭ ﺷﻤﺲ ﺗﺒﺮﯾﺰ ﮐﮯ ﺣﮑﻢ ﭘﺮ ﺍﯾﮏ ﺷﺮﺍﺏ ﺧﺎﻧﮯ ﭘﺮ ﻗﻄﺎﺭ ﻣﯿﮟ ﻟﮓ ﮐﺮ ﮐﮭﮍﮮ ﺗﮭﮯ ﮐﮧ ﺭﻭﻣﯽ ﮐﯽ ﺍﻧﺎ ﺗﻮﮌﻧﺎ ﻣﻘﺼﻮﺩ ﺗﮭﺎ ﯾﺎ ﭘﮭﺮ ﺭﻭﻣﯽ ﮐﮯ ﮔﮭﺮ ﺟﺐ ﺍﯾﮏ ﻃﻮﺍﺋﻒ ﺷﻤﺲ ﺗﺒﺮﯾﺰ ﺳﮯ ﻣﻠﻨﮯ ﺍٓﺋﯽ ﺗﮭﯽ ﺗﻮ ﮨﺮ ﮐﻮﺋﯽ ﮐﺎﻧﭗ ﮔﯿﺎ ﺗﮭﺎ ۔ ﺭﻭﻣﯽ ﮐﮯ ﮔﮭﺮﻭﺍﻟﻮﮞ ﻧﮯ ﮐﮩﺎ ﺍﯾﮏ ﻃﻮﺍﺋﻒ ﺍﻭﺭ ﺭﻭﻣﯽ ﮐﮯ ﮔﮭﺮ ﮐﯽ ﭼﮭﺖ ﮐﮯ ﻧﯿﭽﮯ؟
ﻧﯿﻠﮯ ﺍٓﺳﻤﺎﻥ ﮐﯽ ﻃﺮﻑ ﺍﺷﺎﺭﮦ ﮐﺮ ﮐﮯ ﺑﮯ ﻧﯿﺎﺯ ﺷﻤﺲ ﺑﻮﻻ ﺗﮭﺎ ﺍﺱ ﺳﮯ ﮐﯿﺎ ﻓﺮﻕ ﭘﮍﺗﺎ ﮨﮯ۔ ﭘﮩﻠﮯ ﺑﮭﯽ ﺗﻮ ﮨﻢ ﺳﺐ ﺍﯾﮏ ﮨﯽ ﭼﮭﺖ ﮐﮯ ﻧﯿﭽﮯ ﺭﮦ ﺭﮨﮯ ﮨﯿﮟ؟
ﺭﻭﻣﯽ ﮐﺎ ﺑﯿﭩﺎ ﻧﺎﺭﺍﺽ ﮨﻮﮔﯿﺎ ﺗﮭﺎ ﻟﯿﮑﻦ ﮐﯿﺎ ﺭﻭﻣﯽ ﺍﭘﻨﮯ ﺍﺳﺘﺎﺩ ﮐﻮ ﻧﺎﮞ ﮐﺮ ﺳﮑﺎ۔ﻣﺤﺒﺖ ﮐﮯ ﭼﺎﻟﯿﺲ ﻻﺯﻭﺍﻝ ﺍﺻﻮﻟﻮﮞ ﻧﮯ ﺍﯾﺴﮯ ﮨﯽ ﺟﻨﻢ ﻧﮩﯿﮟ ﻟﮯ ﻟﯿﺎ ﺗﮭﺎ۔ﺭﻭﻣﯽ ﮐﻮ ﺍﭘﻨﮯ ﺍﺳﺘﺎﺩ ﺷﻤﺲ ﮐﮯ ﮐﺌﯽ ﺍﻣﺘﺤﺎﻥ ﭘﺎﺱ ﮐﺮﻧﮯ ﭘﮍﮮ ﺗﮭﮯ۔ ﺍٓﺝ ﮐﮯ ﺑﭽﮯ ﺗﻮ ﺍﺳﺘﺎﺩﻭﮞ ﺳﮯ ﮨﯽ ﻣﻌﺎﻓﯽ ﻣﻨﮕﻮﺍﮐﺮ ﻓﺨﺮ ﮐﺮﺗﮯ ﮨﯿﮟ !
ﺳﻘﺮﺍﻁ ﮐﻮ ﺑﮍﺍ ﺍٓﺩﻣﯽ ﺍﺱ ﮐﮯ ﺷﺎﮔﺮﺩ ﺍﻓﻼﻃﻮﻥ ﻧﮯ ﺑﻨﺎﯾﺎ ﺗﮭﺎ۔ﺍﻓﻼﻃﻮﻥ ﺍﮔﺮ ﺍﭘﻨﮯ ﺍﺳﺘﺎﺩ ﮐﮯ ﺍٓﺧﺮﯼ ﺩﻧﻮﮞ ﮐﯽ ﺩﺍﺳﺘﺎﻥ ﻧﮧ ﻟﮑﮭﺘﺎ ﺗﻮ ﺍٓﺝ ﺳﻘﺮﺍﻁ ﮐﻮ ﮐﻮﻥ ﺟﺎﻧﺘﺎ؟
ﮐﮩﺎﮞ ﮔﺌﮯ ﻋﺒﺎﺳﯽ ﺑﺎﺩﺷﺎﮦ ﮨﺎﺭﻭﻥ ﺍﻟﺮﺷﯿﺪ ﮐﮯ ﺑﭽﻮﮞ ﺟﯿﺴﮯ ﺷﺎﮔﺮﺩ ﺟﻦ ﮐﮯ ﺑﺎﺭﮮ ﻣﯿﮟ ﺳﻨﺎ ﺗﮭﺎ ﮐﮧ ﻭﮦ ﺩﻭﻧﻮﮞ ﺑﮭﺎﺋﯽ ﺍﯾﮏ ﺩﻥ ﺍﺱ ﺑﺎﺕ ﭘﺮ ﺍﯾﮏ ﺩﻭﺳﺮﮮ ﺳﮯ ﻟﮍ ﭘﮍﮮ ﺗﮭﮯ ﮐﮧ ﺍٓﺝ ﺍﭘﻨﮯ ﺍﺳﺘﺎﺩ ﮐﮯ ﺳﺎﻣﻨﮯ ﺟﻮﺗﯽ ﭘﺎﺋﻮﮞ ﻣﯿﮟ ﮐﻮﻥ ﺭﮐﮭﮯ ﮔﺎ !ﮐﮩﺎﮞ ﮔﺌﮯ ﺍﯾﺴﮯ ﺍﺳﺘﺎﺩ ﺍﻭﺭ ﺍﯾﺴﮯ ﺷﺎﮔﺮﺩ؟ ﺷﺎﯾﺪ ﻭﻗﺖ ﮐﮯ ﺻﺤﺮﺍ ﮐﯽ ﭘﺮﺍﻧﯽ ﺩُﮬﻮﻝ ﻧﮯ ﺳﺐ ﮐﭽﮫ ﭼﺎﭦ ﻟﯿﺎ !

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے