سمندری طوفان کیار کی شدت میں اضافہ ،28 سے 30 اکتوبرتک بارش کا امکان

ویب ڈیسک : 26اکتوبر2019
کراچی : محکمہ موسمیات کا کہنا ہے بحیرہ عرب میں موجود سمندری طوفان کیار شدت اختیار کرگیا ، سمندری طوفان کے باعث مکران کے ساحلی علاقوں میں بارش متوقع ہے تاہم پاکستان کے ساحلی علاقوں کو طوفان سے کوئی خطرہ نہیں ہے۔
محمکہ موسمیات نے خبردار کیا ہے کہ بحیرہ عرب میں موجود سمندری طوفان کیار کی شدت میں اضافہ ہوگیا ہے ، سمندری طوفان کا رخ مغرب سےشمال جنوبی راستے کی جانب ہے۔سمندری طوفان کےباعث مکران کے ساحلی علاقوں میں بارش متوقع ہے، لوئرسندھ اور مکران میں اٹھائیس سے تیس اکتوبر تک بارش کا امکان ہے، احتیاطی تدابیر کے پیش نظر ماہی گیر سمندر میں شکار سے گریز کریں۔دوسری جانب ملک کے مختلف علاقوں میں موسم کے تیور بدل رہے ہیں ، محکمہ موسمیات نے آئندہ چوبیس گھنٹے کے دوران کرا چی، کوئٹہ، لاہور،اسلام آباد، پشاور سمیت ملک کے بیشترعلاقوں میں موسم خشک رہنے کی پیشگوئی کی ہے۔کوئٹہ میں سردی کی شدت میں اضافہ ہوگیا درجہ حرارت پانچ ڈگری سینٹی گریڈ ہوگیا ہے جبکہ گلگت بلتستان سمیت شمالی علاقہ جات میں موسم سرد رہنے کا امکان ہے۔
یاد رہے چند روز قبل محکمہ موسمیات نے خبردار کیا تھا کہ سائیکلون کیار کی وجہ سے اکتوبر کے آخر یا نومبر کے اوائل میں بارش ہونے کا امکان ہے، مون سون کا ایک سسٹم سندھ کی طرف بڑھ رہا ہے جو بارش کا سبب بن سکتا ہے۔اس سے قبل محکمہ موسمیات نے کراچی میں اس بارسردی جلد آنے کی پیشگوئی کرتے ہوئے کہا تھا کہ سردی گزشتہ برسوں کے مقابلے میں زیادہ ہوگی، شمال مغرب کی جانب ہوا کا زیادہ دباؤ ہے اور ہوا کا زیادہ دباؤ یعنی پریشر گریڈینٹ اچھی سردیوں کے لیے موزوں ہے۔محکمہ موسمیات کے حکام نے بتایا تھا کہ پریشر گریڈینٹ کی وجہ سے شمال کی جانب سے ہوائیں چلنے کی صورت میں کراچی میں موسم خنک ہوسکتا ہے اور نومبر کے وسط تک موسم سرد ہونے کا امکان ہے۔

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے