کراچی کنگزنے ملتان سلطانز کو 5 وکٹوں سے شکست دے دی
ویب ڈیسک : اپ ڈیٹ 05 مارچ 2019
ابوظہبی: پاکستان سپر لیگ (پی ایس ایل) کے اپنے اہم میچ میں کراچی کنگز نے لیونگسٹن کی نصف سنچری کی بدولت ملتان سلطانز کو 5 وکٹوں سے شکست دے دی۔
ابوظہبی کے شیخ زید اسٹیڈیم میں کھیلے جانے والے اس میں کراچی کنگز کے کپتان عماد وسیم نے ٹاس جیت کر پہلے فلیڈنگ کرنے کا فیصلہ کیا۔
ابتدا سے کراچی کنگز کے باؤلرز نے ملتان سلطانز کے بلے بازو کو قابو کر کے رکھا اور کسی بھی کھلاڑی کو کھل کر کھیلنے نہیں دیا۔
عثمان شنواری نے پہلے 5 کے مجموعے پر 5 رنز بنانے والے عمر صدیق کو بولڈ کیا اور اس کے بعد 17 کے اسکور پر 7 رنز بنانے والے جانسن چارلس کو بھی بولڈ کردیا۔
THE OYE HOYE MOMENT!
BOWLED! Usman Shinwari disturbs the time early and Umer Siddiq has to go back to the hut for 5. Multan Sultans are 5/1 in the 2nd over#KKvMS #PSL2019 #KhelDeewanoKa #OyeHoyeMoments pic.twitter.com/gf5uwT4cb7
— Cricingif (@_cricingif) March 4, 2019
جیمز وینس نے شعیب ملک کے ساتھ مل کر ٹیم کے اسکور کو آگے بڑھانے کی کوشش کی لیکن وہ عمر خان کی گیند پر 16 رنز بنانے کے بعد 44 کے مجموعے پر بولڈ ہوگئے۔
ٹیم کی نصف سنچری سے قبل ہی ملتان سلطانز 3 اہم کھلاڑیوں سے محروم ہوگئی تھی، لیکن ایسا محسوس ہورہا تھا کہ شعیب ملک اپنی ٹیم کو بڑے ٹوٹل تک پہنچانے میں مدد دیں گے اور دوبارہ گرین کیپ حاصل کرلیں گے، تاہم ایسا نہیں ہوا۔
شعیب ملک 26 گیندوں پر 26 رنز بنانے کے بعد عمر خان کی گیند پر چھکا لگاتے ہوئے بابر اعظم کے ہاتھوں باؤنڈری پر کیچ آؤٹ ہوگئے۔
OUT! Another big wicket for Umer Khan. @realshoaibmalik perishes after making 26 runs. Multan Sultans are 75/4 in the 14th over
Watch ball-by-ball highlights: https://t.co/jdrxbjaxOF #MSvKK #PSL2019 #KhelDeewanoKa #CricketForAll pic.twitter.com/xr03kxjxrS
— Cricingif (@_cricingif) March 4, 2019
ملتان سلطانز کی آدھی ٹیم اس وقت پویلین پہنچ گئی جب عمر خان کے اسی اوور میں ایک چوکا لگانے کے بعد ڈینیئل کرسچن بھی 81 کے مجموعے پر آؤٹ ہوگئے۔حماد اعظم کے 29 اور کرس گرین کے 18 رنز کی بدولت ملتان سلطانز مقررہ 20 اوورز میں 7 وکٹوں کے نقصان پر صرف 118 رنز ہی بناسکی۔
کراچی کنگز کے عثمان شنواری نے 4 اوور کے کوٹے میں 15 رنز دے کر 4 کھلاڑیوں کو آؤٹ کیا جبکہ عمر خان بھی 3 وکٹیں لے کر نمایاں رہے۔
OUT! Umer Khan continues to impress as he dismisses @vincey14 for 16 and Multan Sultans are 44/3 in the 9th over
Watch ball-by-ball highlights: https://t.co/jdrxbjaxOF #MSvKK #PSL2019 #KhelDeewanoKa #CricketForAll pic.twitter.com/tPpc3uMXOv
— Cricingif (@_cricingif) March 4, 2019
ہدف کا دفاع کرنے کے لیے ملتان سلطانز کے باؤلرز بھی ابتدا سے جان لڑاتے ہوئے نظر آئے اور کراچی کنگز کے خطرناک بیٹنگ لائن کو بھی قابو کیے رکھا۔
نوجوان محمد الیاس نے پہلے کالن منرو اور پھر بابر اعظم کی اننگز کا خاتمہ کرکے کراچی کنگز کے لیے خطرے کی گھنٹی بجائی۔کولن منرو 11 رنز بنانے کے بعد کیچ آؤٹ ہوئے جبکہ بابر اعظم 12 رنز بنانے کے بعد محمد الیاس کی گیند پر ایل بی ڈبلیو آؤٹ ہوگئے۔کراچی کنگز کی ٹیم جب 36 کے اسکور پر اپنے دونوں اوپنرز سے محروم ہوگئی تو لیام لیونگسٹن اور کولن انگرام نے 46 رنز کی شراکت قائم کرکے ٹیم کو پریشانی سے نکالا۔
THE OYE HOYE MOMENT!
OUT! Another poor display with the bat from @manuz05 (11) and Mohammad Ilyas has provided the breakthrough. Karachi Kings are 21/1 in the 5th over
Ball-by-ball highlights 👉 https://t.co/jdrxbjaxOF #KKvMS #PSL2019 #KhelDeewanoKa #OyeHoyeMoments pic.twitter.com/dwAMEzKLyi
— Cricingif (@_cricingif) March 4, 2019
کولن انگرام 82 کے مجموعے پر محمد عباس کی گیند پر 31 رنز بنانے کے بعد آؤٹ ہوئے تو گزشتہ میچ کے ہیرو افتخار احمد کو بھی محمد عباس نے صفر پر پویلین کی راہ دکھائی۔
لیام لیونگسٹن نے اپنے اعصاب پر قابو رکھتے ہوئے محمد رضوان کے ہمراہ محتاط انداز میں کھیلتے ہوئے 30 رنز کی پارٹنر شپ قائم کی جو کراچی کو اہم 2 پوائنٹس دلوانے میں کارگر ثابت ہوئی۔
لیونگسٹن نے آخری اوور کی دوسری گیند پر پورے میچ کا واحد چھکا لگا کر نہ صرف ٹیم کو فتح سے ہمکنار کیا بلکہ اپنی نصف سنچری بھی مکمل کی۔
OUT! Mohammad Ilyas is on 🔥
The ball kept low and @babarazam258 (12) is trapped in front. Another wicket for Mohammad Ilyas and Karachi Kings are 36/2 nowWatch ball-by-ball highlights: https://t.co/jdrxbjaxOF #MSvKK #PSL2019 #KhelDeewanoKa #CricketForAll pic.twitter.com/hTqXZOrcSy
— Cricingif (@_cricingif) March 4, 2019
اس میچ میں فتح کے ساتھ کراچی کنگز پلے آف کی دوڑ میں شامل ہوگئی جبکہ دوسری جانب ملتان سلطانز کے لیے پلے آف مرحلے تک پہنچنے کا خواب چکنا چور ہوگیا۔
ملتان سلطانز کی جانب سے محمد الیاس نے 3 جبکہ محمد عباس نے 2 وکٹیں حاصل کیں۔کراچی کنگز کے عثمان شنواری کو تباہ کن باؤلنگ کرنے پر میچ کا بہترین کھلاڑی قرار دیا گیا۔
کراچی کنگز میں محمد عامر کی جگہ عثمان شنواری کو ٹیم کا حصہ بنایا گیا تھا جبکہ ملتان سلطانز نے ٹام موریس کی جگہ کرس گرین اور شاہد آفریدی کی جگہ عرفان خان کو ٹیم میں شامل کیا تھا۔
ایونٹ کے دوران دونوں ٹیموں کے درمیان ہونے والے گروپ اسٹیج کے پہلے میچ کراچی کنگز نے سنسنی خیز مقابلے کے بعد ملتان سلطانز کو 7 رنز سے شکست دی تھی۔
اس وقت کراچی کنگز 8 پوائنٹس کے ساتھ پوائنٹس ٹیبل پر چوتھے نمبر پر آگئی جبکہ ملتان سلطانز کی ٹیم 4 پوائنٹس کے ساتھ آخری نمبر موجود ہے۔
