گرینڈ ہیلتھ الائنس کی ہڑتال جاری، سرکاری اسپتالوں میں کام بند،مریض خوار

ویب ڈیسک : 21اکتوبر2019
لاہور: پنجاب کے بیشتر بڑے سرکاری اسپتالوں میں ڈاکٹرز، نرسز اور پیرا میڈیکل اسٹاف پر مشتمل گرینڈ ہیلتھ الائنس کی کام چھوڑ ہڑتال جاری ہے۔
ذرائع کے مطابق حکومت کی جانب سے گرینڈ ہیلتھ الائنس سرکاری اسپتالوں کی نجکاری کے خلاف سراپا احتجاج ہے۔
صوبہ بھر کے تمام بڑے سرکاری اسپتالوں میں آؤٹ ڈور، آپریشن تھیٹرز، ریڈیالوجی اور پیتھالوجی سمیت تمام الیکٹیو سروسز معطل ہیں، علاج معالجہ کی سہولیات نہ ملنے سے مریضوں کو مشکلات کا سامنا ہے۔
گرینڈ ہیلتھ الائنس کے ترجمان کا کہنا ہے کہ آج سے الیکٹیو سروسز معطلی کے ساتھ ساتھ پنجاب بھر کی تمام بڑی شاہراہوں پر احتجاج کیا جائے گا.ان کا کہنا ہے کہ طے شدہ شیڈول کے مطابق لاہور میں کینال روڈ، فیروز پور روڈ، جیل روڈ، کوئین روڈ، نیپئر (انار کلی) روڈ پر احتجاج کیا جائے گا ۔
انہوں نے بتایا کہ راولپنڈی میں مری روڈ، فیصل آباد میں جیل روڈ ، گجرات میں اسپتال روڈ پر احتجاج کیا جائے گا۔
ملتان میں جیل روڈ، ڈی جی خان میں جام پور روڈ، رحیم یارخان میں‌اسپتال روڈ صبح 11 سے دوپہر 3 بجے تک بند رہیں گی۔
ادھر حکومت ہٹ دھرمی کے باعث ڈاکٹرہڑتال پر ہیں جس کی وجہ سے ہسپتالوں میں آپریشن ملتوی ہونے کے ساتھ ساتھ آؤٹ ڈورز بند ہیں جس کی وجہ سے مریضوں کو مشکلات کا سمنا ہے-

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے